Løgtingsnevnd: Umsitingin er dýr

Í øllum førum spyr nevndin Bústaðir, hvussu umsitingarkostnaðurin verður roknaður, og hví umsitingin kostar so nógv. Trivnaðarnevndin viðger bústaðarpakkan hjá landsstýrinum.

Nevndin spyr, hvussu Bústaðir fíggja sína bygging og hvussu stórur partur av byggikostnaðin verður avskrivaður. Spurt verður eisini, hvussu Bústaðir áseta avkastkravið og, hvørja ávirkan avkastkravið fær á leiguna.

Harafturat vil nevndin hava frágreiðing um, hvussu lutaíbúðarkonseptið hjá Bústøðum verður samansett. Og um munur verður á bygging á bygd ella í miðstaðarøkinum.