Kanna nú íslendska kjøtið

Nú verður kannað, bæði í Føroyum og í Íslandi, um íslendskt veðrakjøt, sum ikki kann seljast í Íslandi, tí veðrarnir eru ov gamlir, verður selt í Føroyum.

Kjøtið verður selt fyri 45 krónur kilo, sum er meira er helvtina minni enn føroyst kjøt verður selt fyri. 

1100 krov eru komin til Føroya úr Íslandi.

Fólk í Uttanríkisráðnum í Havn og í sendistovuni í Reykjavík kanna málið.

Jenis av Rana, landsstýrismaður, sigur, at málið verður loyst. Arbeiðið við at finna eina loysn er longu byrjað.