Nýggj tíðarætlan: Skal verða liðug 1. august

Sambært tíðarætlanini, sum nú er um havnarútbyggingina í Havn, verður hon liðug 1.august. 

Upprunaliga var ætlanin, at fyrsti parturin í útbyggingini, sum var Skansabryggjan, skuldi latast kommununi í oktober í 2019, og seinna helvtin, eystara havnaøkið, skuldi latast kommununi í mai í fjør.

Boltar slitnaðu

Men nógvir trupulleikar hava verið. 

Millum annað vóru trupulleikar við boltunum í akkerunum, sum skulu halda bryggjuni. Fyrst bognaðu teir, og síðani slitnaðu nógvir boltar.

Semja er enn ikki um, hvør skal rinda hetta arbeiðið, sum nú verður gjørt fyri at gera nýggj akker.

Tryggingin, Betri, hevur ikki svarað enn, um hon tekur við.

Brúka havnina

Havnin verður tó brúkt nú. Stóru bingjuskipini brúka hana. 

Býráðið játtaði í 2016 465 milliónir krónur til havnarútbyggingina. 

Tann prísurin heldur ikki. Men greitt er ikki enn, hvussu nógv havnarútbyggingin kostar, tá avtornar.