15 vilja vera mentanarleiðari

15 fólk hava søkt um starvið sum leiðari á Mentanardeildini í Uttanríkis- og Mentamálaráðnum.

Talan er um sjey kvinnur og átta menn.

Martin Næs, sum var deildarstjóri, fór frá fyri aldur í fjør summar. Hann var í Mentamálaráðnum í 13 ár.

Mentanardeildin umfatar mentan, list, mentanararv, søvn, ítrótt, fjølmiðlar, kirkju og onnur trúarsamfeløg.

Ætlanin er, at starvið verður sett nú í februar.