Portrið kemur ikki undir náttúrufriðingarlógina

Gjaldsportrið í Saksun kemur ikki undir náttúrufriðingarlógina, og kann tí ikki viðgerast samabært henni.

Tað segði náttúrufriðingarnevndin í Streymoyar sýslu 10.desember í fjør.

Og tað staðfesti Yvirfriðingarnevndin fríggjadagin.

Portrið í Saksun er ikki øðrvísi enn onnur portur á uppdyrkingarvegum, hóast talan er um eitt gjaldsportur.

Og hóast portrið ikki kemur undir lógina um náttúrufriðing, er portrið heldur ikki brot á náttúrufriðingarlógina.

Náttúrufriðingarnevndin í Streymoyar sýslu heldur, at landspolitikarar mugu koma við einari loysn um gongd í haga og aðrastaðni.

Gjaldsportrið ger, at fólk noyðast at gjalda bóndanum fyri at sleppa oman á Pollin og Lónna.