- Tíðindi, mentan og ítróttur
Keypa vaksinu fyri at fáa ferð á koppsetingina
Keypa vaksinu fyri at fáa ferð á koppsetingina
Framsókn skjýtur upp at brúka níggju milliónir til at keypa vaksinu, so floksórin fæst í Føroyum fyri summarið
Bjarni Kárason Petersen og Ruth Vang í Framsókn hava lagt fram uppskot um eykajáttan at keypa koppingarevni
10.02.2021 - 09:02
Framsókn vil lata Apoteksverkinum níggju milliónir krónur til at keypa koppsetingarevni fyri koronu og lata Heilsuverkinum tað fyri einki.
Uppskot um eykajáttanarlóg kom í løgtingið í gjár. Pengarnir skulu brúkast til at keypa nóg nógva vaksinu til, at floksórin fæst í Føroyum fyri summarið.
Floksórin fæst, tá 70 prosent av fólkinum eru koppsett, siga vísindini. Við teirri ferð, sum koppsetingin nú hevur, verður ikki floksórin fyrr enn seint í heyst, sigur Framsókn.
Sum er, rindar danska stjórnin fyri koronukoppsetingarnar í Føroyum. Talan er um sjey milliónir krónur. Fyri at fáa floksórin í Føroyum í vár, er neyðugt at keypa koppsetingarevni fyri níggju milliónir krónur, sigur Framsókn.
Er kopiera
Nýggjastu sendingar í ÚV
Nýggjastu sendingar í SV
