Aðalorðaskifti um aling í næstu viku

Um eina viku verður aðalorðaskifti í løgtinginum um aling.

Landsstýrismaðurin í umhvørvis- og vinnumálum, Helgi Abrahamsen, leggur fram frágreiðing um alivinnuna á tingfundinum í dag.

Sambært tingskipanini kunnu landsstýrisfólk geva løgtinginum frágreiðing um støðuna í máli, sum er málsøki tess, og hvørjar ætlanir, tey hava í hyggju at fremja hesum viðvíkjandi.

Tingfólk fáa eina viku til at lesa frágreiðingina um aling. Og aðalorðaskifti verður so næsta mikudag.