Nú verður greitt, hvar Tjóðleikhúsið skal byggjast

Á tíðindafundinum luttaka Jenis av Rana, landsstýrismaður í uttanríkis- og mentamálum, Heðin Mortensen, borgarstjóri í Tórshavn, og Ólavur Jøkladal, formaður í dómsnevndini í arkitektakappingini at tekna Tjóðleikhúsið.

Líkt er til, at Tjóðleikhúsið skal byggjast í Havn. Landsstýrismaðurin í uttanríkis- og  mentamálum skrivaði í november 2020 út arkitektakapping um Tjóðleikhús. Uppskotini um staðseting skuldu vera inni 2. februar.

Fimm samtøk undangóðkend

Ein dómsnevnd við tveimum útlendskum fakdómarum hevur viðgjørt innkomnu uppskotini. Tá staðsetingin av Tjóðleikhúsinum er gjørd, verður farið undir næsta stig í kappingini.

Tá skulu luttakandi arkitektarnir gera uppskot til, hvussu Tjóðleihús Føroya skal byggjast í samljóði við valdu staðsetingina.

Skitsuuppskotini um Tjóðleikhúsið skulu vera inni seinni í ár. Fimm samtøk av arkitektum eru góðkend frammanundan at luttaka í kappingini.