- Tíðindi, mentan og ítróttur
Helvtin av streyminum kom frá varandi orku
Helvtin av streyminum kom frá varandi orku
Vindorka, vatnorka og sólorka stóðu fyri tilsamans 52 prosentum av elframleiðsluni í Suðuroy í februar
![](https://kvf.fo/sites/default/files/styles/grein-ovasta-mynd/public/vindmyllur_i_porkeri.jpg?itok=FY8ds_X2)
Vindmyllurnar í Porkeri framleiddu 1052 megawatt í februar
Mynd: Pól Sundskarð
08.03.2021 - 14:42
Aðruhvørja ferð, suðuroyingar tendraðu ljósið í februar, kom streymurin frá varandi orkukeldum, sigur SEV.
Vindorka, vatnorka og sólorka stóðu fyri tilsamans 52 prosentum av elframleiðsluni í Suðuroy í februar.
Tað var serliga vindorkan, sum gjørdi munin í februar. Vindmyllulundin í Porkeri framleiddi 1.052 Megawatt.
Meira enn triðingurin
Hetta eru góð 36 prosent av samlaðu framleiðsluni, meðan vatnorkuverkið í Botni framleiddi 458 Megawatt, sum svara til 16 prosent.
Elframleiðslan úr olju kom upp á 48 prosent av samlaðu framleiðsluni, og hetta kann samanberast við februar í fjør, tá oljuframleiðslan var góð 86 prosent.
Fólk í Suðuroynni brúktu 7,8 prosent meira streym í februar í ár enn sama mánað í fjør.
Nýggjastu sendingar í ÚV
Nýggjastu sendingar í SV