Nú eru 70 prosent borað

Nú er tilsamans 70 prosent av samlaðu longdini í Sandoyartunlinum borað.

Í síðstu viku vórðu 89 metrar boraðir, og tilsamans eru nú boraðir 7.548 av tilsamans 10.785 metrum.

Í prosentum svarar hetta til, at 70 prosent av samlaðu longdini í Sandoyartunlinum er borað.

Longsti tunnil

Sandoyartunnilin verður longsti tunnilin í Føroyum, og eftir ætlan verður koyrandi í tunlinum í desember 2023. Mett verður, at 300 - 400 bilar fara at koyra í tunlinum um samdøgrið

Gongst sum ætlað, verður seinasta skotið í Sandoyartunlinum latið av síðst í hesum árinum.

Sandoyartunnilin er mettur at kosta 1,3 milliardir krónur.