Biden: Kunnu halda tjóðardagin sum vant

12.03.2021 - 09:59
AktueltÚtheimurin
Biden: Kunnu halda tjóðardagin sum vant
Amerikanski forsetin sigur, at í mai hevur USA fingið nóg mikið av koppingarevni til øll vaksin
Joe Biden, forseti, helt røðu fyri amerikansku tjóðini í nátt
 

Amerikanski forsetin, Joe Biden, helt í nátt sína fyrstu røðu fyri fólkinum, eftir at hann tók við sum forseti.

Og sum so nógva aðrastaðni, snúði røðan seg í stóran mun um koronu.

Hann segði, at útlit eru til, at amerikanarar kunnu hátíðarhalda tjóðardagin 4. juli sum vanligt. Men tað krevur, at fólk halda tilmælini, til øll eru koppsett, segði Joe Biden.

Forsetin hevur skrivað undir hjálparpakkan, sum er 1.900 milliardir dollarar.

Nóg mikið av koppingarevni

Og í mai hevur USA nóg mikið av koppingarevni til øll vaksin, legði forsetin dent á.

Samstundis skulu nógv fleiri koppseta fólk, m.a. djóralæknar og tannlæknar, segði forsetin.

Higartil eru umleið 10 prosent av amerikanarunum koppsett.

Men hann ávaraði eisini um, at stríðið ímóti koronu verri enn so er liðugt, og virða fólk ikki tilmælini, verða krøvini í landinum herd aftur.

Higartil eru 528.000 fólk í USA deyð av koronu, og tað er tað mesta í nøkrum landi.

Er kopiera
Nýggjastu sendingar í ÚV
Hósdag 16. september
Morgunlestur hósdagur 16.september 2021
128183
Mikudag 15. september
Nón 15. september 2021
128650
Mikudag 15. september
Góðan morgun Føroyar 15.09.2021
128626
Mikudag 15. september
Morgunlestur mikudagur 15.september 2021
128182
Týsdag 14. september
Óhoyrt: Byrjanin við Jasmin og Fríða
128610
Nýggjastu sendingar í SV
Týsdag 14. september
VIDEO: 100 kvinnur maskinbinda
128599
Týsdag 14. september
VIDEO: Burgari a la GMF
128590
Týsdag 14. september
RagnarRokk Reyp 16.september 2021
128578
Mánadag 13. september
3-2
128554