984 vilja sleppa í miðnámsskúla

984 umsóknir eru um at sleppa í miðnám næsta skúlaár.

Hetta eru fleiri enn í ár, tá 919 umsóknir vóru.

984 er tó ikki nakað met. Umsóknirnar hava verið heilt uppi á 1200. Tað var í 2015.

203 søkt um yrkisnám

Av teimum 984 umsøkjarunum hava 781 søkt á gymnasialu breytirnar og 203 á yrkisnám.

Og aftur í ár eru tað fleiri gentur enn dreingir, sum hava søkt inn á miðnám. Í ár eiga genturnar 54 prosent av umsóknunum. 

Umsøkjarar fáa svar fríggjadagin 23. apríl.