Breddin setir koronu á breddan

Korona setir dám á Breddan í dag. 

Trý evni eru á skránni: Summarið 2021, koppsetingarætlan og koronupass.

Tað dregur út at koppseta føroyingar fyri koronu. Kanska verða vit ikki øll koppsett á jóansøku, sum ætlanin hevur verið.

Merkir tað, at summarið 2021 er í vanda, nú koppsetingin ikki gongur so skjótt sum ætlað? Og hvat merkir tað fyri festivalarnar, sum longu nú kunngera nøvn, sum skulu á pall í summar? 

Færri skamtar

Í fleiri førum hava vit í Føroyum fingið færri skamtar enn væntað, tí heilivágsfyritøkurnar, ið veita Danmark koppingarevni, hava tillagað nøgdina, sum tær eru førar fyri at veita.

Nær skulu føroyingar vænta at verða koppsettir?

Fyritøkan Thetis hevur ment eitt talgilt koronupass. Spurningurin er, hvussu tað skal brúkast, og hvørja nyttu tað kann gera fyri okkum í Føroyum.
 
Breddin í útvarpinum í dag klokkan 17.05