Gera ikki meira við arbeiðsvanlukku á Hústoft

Arbeiðs- og brunaeftirlitið kann ikki staðfesta, at manglar vórðu við arbeiðsumhvørvinum, tá ein arbeiðsvanlukka á Hústoft á Lambareiði í januar í fjør endaði við, at ein maður doyði.

Vanlukkan hendi, tá dumparin, sum maðurin koyrdi, fór útav og koppaði.

Eftirlitið sigur, at tey hava kannað málið, og eingir manglar eru við arbeiðsumhvørvinum, sum vóru atvoldin til vanlukkuna.

Ábendingar eru um, at dumparin hevur havt ov nógva ferð, tá hann hevur bakkað, og er farin útav..

Arbeiðs- og brunaeftirlitið ger ikki meira við málið, og fer heldur ikki at mæla fútanum til at gera meira við málið.