Steintóra avloysir Hera sum sóknarprest

Steintóra Gleðisheygg Joensen er sett sum virkandi sóknarprestur í Suðurstreymoyar vestara prestagjaldi frá 15. apríl - 31. juli í ár, meðan Heri Joensen, prestur, er í lestrarfarloyvi.

Steintóra er ættað úr Vági, og hevur lisið gudfrøði á Lærda háskúlanum í Keypmannahavn.

Treytað av, at landsstýrismaðurin í kirkjumálum gevur loyvi til prestvígslu, verður Steintóra Joensen prestvígd í Dómkirkjuni sunnudagin 11. apríl.

Og sunnudagin eftir, skipar dómprósturin komandi prestin í kallið við gudstænastu í Vesturkirkjuni, skrivar heimasíðan hjá Fólkakirkjuni.