Telja aftur hvalir í 2024

Fyrsta hvalateljingin var í 1987. Síðani hava fimm verið, og Føroyar hava verið við hvørja ferð.

Á ársfundinum løgdu Føroyar fram uppskot um at skipa fyri ráðstevnu í 2022 um havsúgdjór, hval og kóp, sum mat. Uppskotið varð samtykt. 

Føroyar høvdu formansskapin í Nammco frá 2019 til nú, Noreg tekur við. Kate Sanderson var forkvinna í Nammco.

Føroyar hava havt formansskapin síðani 2019

Bjarni Mikkelsen er formaður í vísindanevndini í Nammco. Føroyar hava síðani 2019 havt formansskapin í vísindanevndini og hava hann til 2022.

Umframt Føroyar eru Noreg, Ísland og Grønland í Nammco, sum varð stovnaður í 1992.

Londini leggja áherðslu á 14. heimsmálið hjá Sameindu tjóðum,, sum er at varðveita og á burðardyggan hátt nýta høvini, allan sjógv og sjófeingi til burðardygga menning.

Kanada, Danmark, Japan, Russland og USA eru eygleiðaralond í Nammco.