Metingin um árin á umhvørvið hjá myllum góðkend

Óljóðið er oman fyri galdandi markvirði í parti av ávísum økjum, sum eru løgd út til bústaðar- og frítíðarendamál í byggisamtyktini hjá Tórshavnar kommunu. 

Har hevur Vindrøkt fingið treytir.

Men annars eru vindmyllurnar, sum Vindrøkt hevur søkt um at byggja á Gellingarkletti í Hoyvíkshaga, ikki til ampa fyri umhvørvið, verða treytirnar, sum Umhvørvisstovan setir, hildnar.

Umhvørvisstovan hevur góðkent umhvørvisárinsmetingina hjá Vindrøkt á Gellingarkletti.

Við treytum

Treytir eru tó settar, so árinini á fugl minka, og eftirlit skal vera við fugli í økinum við vindmyllurnar. 

Avgerðin um umhvørvisgóðkenning kann kærast til landsstýrismannin í umhvørvismálum í seinasta lagi 28.apríl. 

Kærurætt hava tey, sum avgerðin hevur ein serstakan, beinleiðis og persónliga týdning fyri.