Pávin átalar dubbing meðan heimsfarsótt herjar

04.04.2021 - 13:56
AktueltÚtheimurin
Pávin átalar dubbing meðan heimsfarsótt herjar
Hóast heimsfarsótt herjar, verða pengar brúktir til hermegi
Pavin finst at, at pengar verða brúktir til hermegi, meðan covid-19 herjar.
 

Frans pávi heitir nú á heimsins lond um gera skjótari av við at breiða Covid-19 koppingarevni út um heimin, og serliga til tey fátæku. Samstundis kallar hann tað eina gølu, at tað mitt í eini heimsfarsótt framvegis er vápnað stríð og at pengar verða brúktir til hermegi.

Hetta segði pávin í sínum páskaboðskapi fyrr í dag. Hetta var annað árið á rað, at pávin orsakað av koronufarsóttini ikki kundi tala fyri eini stórari mannfjøld á Pæturstorginum páskadag. 

Í staðin helt pávin messu við eitt minni altar inni í kirkjuni, har færri enn 200 fólk vóru komin saman at lýða á saman við milliónum, sum eisini hoyrdu boðskapin í útvarpi og sjónvarpi.

Framvegis kríggj 

- Farsóttin breiðir seg framvegis, og sosiala og búskaparliga kreppan er sera stór, serliga hjá teimum fátæku. Men kortini - og hetta er ein gøla - er vápnað stríð ikki hildið uppat, og vápnagoymslurnar verða fyltar, segði pávin.

Hann heitti á Gud um at veita ugga til tey sum eru sjúk, tey sum hava mist ein kæran, og tey arbeiðsleysu og heitti so á myndugleikar um at hjálpa teimum familjum, sum eru ringast fyri.

Pávin heitti eisini á stríðandi partar runt um í heiminum um at binda frið, millum annað í Tigray-landspartinum í Etiopia og í Cabo Delgado í Mosambik, og hann segði eisini, at kreppan í Jemen bara verður "møtt við lemjandi og skammiligari tøgn."

Er kopiera
Nýggjastu sendingar í ÚV
Mánadag 17. januar
Við Tórði á túri um staðarnøvn
134177
Mánadag 17. januar
Nón - 17. januar 2021
134169
Mánadag 17. januar
Norðurljóð 17.januar 2022
133666
Mánadag 17. januar
Nogvir spennandi venjarar í Betri-deildini
134160
Mánadag 17. januar
Greidleiki er lítið brúkt
134135
Nýggjastu sendingar í SV
Mánadag 17. januar
3-2
134193
Sunnudag 16. januar
Hondbóltur: Føroyar - Lettland
134104
Sunnudag 16. januar
10-mannaførini 2021
134102
Sunnudag 16. januar
Hondbóltur: Luksemburg - Føroyar
134089
Sunnudag 16. januar
Hvør veit?
134088