Eingin forðing fyri, at útlendingar festa

Bara teir halda treytirnar, millum annað um at búgva í Føroyum, í somu oyggj sum festið er. Men tað er eingin treyt, at tann, sum tekur við festi, skal vera føroyingur.

Tað hevur Rættarnevndin hjá løgtinginum fingið at vita frá landsstýrinum. Nevndin viðger eitt uppskot hjá Tjóðveldi um útlendingar og fastogn í Føroyum.

Endamálið við uppskotinum er at forða útlendingum, sum ikki búgva her, í at keypa millum annað hús í Føroyum. Eitt uppskot um júst tað sama er á veg úr landsstýrinum. Tað er til hoyringar til 23. apríl.