Rúni gevst sum stjóri í Smyril Line

Rúni Vang Poulsen gevst sum stjóri á Smyril Line.

Ósemja millum nevnd og stjóra ger, at partarnir hava valt at gera eina fráfaringaravtalu, sigur Smyril Line í tíðindaskrivi.

Rúni Vang Poulsen hevur verið stjóri í Smyril Line seinastu 12 árini. Hann gevst í starvinum alt fyri eitt.

Jens Meinhard Rasmussen verður fyribilsstjóri í Smyril Line.Samstundis fer hann frá sum nevndarformaður, og Hendrik Egholm verður nevndarformaður fram til aðalfundin.