Komnir niður á lægsta punktið í tunlinum

Nú er komið niður á lægsta punktið í Sandoyartunlinum, sum er 155,1 metur undir vatnskorpuni.

Í farnu viku vóru 35 metrar boraðir, og nú eru tilsamans 7.832 metrar av 10.785 metrum boraðir.

Hetta svarar til, at nú er borað meira enn 72 prosent av samlaðu longdini av tunlinum.

Gongst sum ætlað, verður seinasta skotið í Sandoyartunlinum latið av síðst í hesum árinum, og eftir ætlanini verður koyrandi í desember 2023.

Sandoyartunnilin er mettur at kosta 1,3 milliardir krónur. Mett verður, at 300 - 400 bilar fara at koyra í tunlinum um samdøgrið.