Kirkjurnar í Danmark lata meira uppaftur

Fleiri fólk sleppa skótt til ferming og brúdleyp í donsku kirkjunum, skrivar Kristeligt Dagblad, sum endurgevur folkekirken.dk.

Eftir fund hjá kirkjumyndugleikunum mánadagin er greitt, at krøvini um pláss verða linkað; bæði í fólkakirkjuni og í øðrum samkomum.

Politiskar samráðingar bóru á mál

Síðani januar hevur kravið verið, at hvørt fólk skal hava 7,5 fermetrar, men hetta minkar nú niður í tveir fermetar fyri hvørt fólk.

Í síðstu viku gjørdist eisini greitt, at sangur aftur er loyvdur í donskum kirkjum. Harumframt var kravið um, at gudstænasturnar ikki skulu vera longri enn 30 minuttir, slept.

Tað hendi eftir politiskar samráðingar, sum bóru á mál fríggjanáttina. Kravið um, at hvørt kirkjufólk ikki skal hava líka so nógv pláss, varð eisini nevnt í teirri avtaluni.