Breddin: Atlantsflog, bústaðarskylda og flutningur

Blóðreyð tøl settu dám á roknskapin hjá Atlantic Airways eftir eitt tungt ár, sum er merkt av koronafarsóttini.

Vit tosa við nevndarformannin, Niels Mortensen, um framtíðarútlitini hjá tjóðarflogfelagnum

Neyðugt er við bústaðarskyldu og/ella tænastugjøldum, um forðast skal fyri, at heilar bygdir enda sum summarhúsøkir. Tað sigur Sunda kommuna, sum heitir á Kommunufelagið at virka fyri slíkari loysn.

Jógvan Kruse, borgarstjóri í Sunda kommunu, kemur í útvarpsstovuna.

Skulu kommunurnar taka eina størri ábyrgd av at flyta sínar borgarar sjóvegis?

Heðin Mortensen, borgarstjóri í Tórshavnar kommunu, og Jørgen Niclasen, landsstýrismaður í samferðslumálum, kjakast í útvarpsstovuni.