Vilja hava ferðslutiltøk sett í verk beinan vegin

Vilja hava ferðslutiltøk sett í verk beinan vegin
Borgarstjórar fegnast um nýggju tunlarnar norður Fjall, men gomlu tunlarnir eru framvegis ein avbjóðing
Henda myndin, m.a. av teimum trimum borgarstjórunum, varð tikin 8. februar, tá vegarbeiðið til nýggju tunlarnar byrjaði
 
06.05.2021 - 14:41

Borgarstjórarnir í Klaksvíkar-, Hvannasunds- og Viðareiðis kommunum vilja hava Jørgen Niclasen, landsstýrismann, og Landsverk at seta ferðslutiltøk í verk í báðum tunlum norður um Fjall beinan vegin.

Karl Johansen, Katrin Næs og Marita Sumberg siga seg fegnast um, at nýggir tunlar verða gjørdir norður um Fjall, men samstundis er greitt, at allar íløgurnar skapa stórt virksemi.

Eitt nú er osin av ferðsluni stundum so tjúkkur, at sýnið er sera vánaligt í tunlunum, samstundis sum avbjóðingin av mótgandandi ferðslu og smáum víkiplássum veksur.

- Uppgávan er ikki løtt, men hon er neyðug

Karl Johansen, Katrin Næs og Marita Sumberg

 

Haraftrat kann væntast, at talið á ferðafólki fer at vaksa munandi í summar, og tá verður støðan uppaftur ótryggari, siga teir tríggir borgarstjórarnir.

Tí vilja teir hava landsstýrismannin í samferðslumálum og Landsverk at seta ferðslutiltøk í verk í báðum tunlum norður um Fjall.

- Uppgávan er ikki løtt, men hon er neyðug, tí sum myndugleikar hava vit skyldu veita borgarunum tryggleika, siga Karl Johansen, Katrin Næss og Marita Sumberg, borgarstjórar.

 

Er kopiera
Nýggjastu sendingar í ÚV
Fríggjadag 30. august
Morgunlestur fríggjadagur 30. august 2024
179482
Hósdag 29. august
RagnarRokk 29.august 2024
176660
Hósdag 29. august
Morgunlestur hósdagur 29. august 2024
179481
Mikudag 28. august
Morgunlestur mikudagur 28. august 2024
179480
Nýggjastu sendingar í SV
Hósdag 29. august
Dagur og vika - teknmálstulkað
179895
Týsdag 27. august
Olaf & trappan - teknmálstulkað
150041
Týsdag 27. august
Veðrið - teknmálstulkað
179740
Týsdag 27. august
Dagur og vika - teknmálstulkað
179739
Týsdag 27. august
Veðrið
179730