Hernaðarkelda: Ísrael umhugsar vápnahvíld

Ísrael umhugsar, um røttu treytirnar eru fyri at gevast við luftálopunum í Gasa-geiranum. 

Tað sigur ein hernaðarkelda.

- Vit kanna, nær rætta løtan er til vápnahvíld, sigur keldan við AFP.

Ísrael fyrireikar seg samstundis til fleiri álop á Gasa-geiran, um tað verður neyðugt, upplýsir keldan.

Hamas og álopsførleiki

Hon leggur aftrat, at Ísrael nú metir um, um landið hevur nátt málinum at raka álopsførleikan hjá Hamas, og um Hamas yvirhøvur skilir boðskapin um, at Ísrael góðtekur ikki eitt einasta rakettálop á Ísrael aftrat.

Í morgun endurgav BBC eina keldu í ísraelsku verjuni, sum segði, at vápnahvíld er ikki á breddanum nú.