Korona útsetir eykaaðalfund í Sjálvstýri

Eykaaðalfundurin hjá Sjálvstýri, sum skuldi vera í Runavík leygardagin, er útsettur, nú koronustøðan er óviss.

Nær fundurin verður, er ikki greitt í løtuni. 

Eykaaðalfundurin skal viðgera eitt uppskot um viðtøkubroytingar.

Sambært galdandi viðtøkum kunnu bara valdir politikarar vera forfólk í flokkinum. Hetta skal broyast, so onnur eisini kunnu gerast forfólk.

Uppskot er gjørt

Uppskotið um viðtøkubroyting er gjørt. Ikki verður almannakunngjørt nú, havt uppskotið er, sigur Lasse Klein, floksskrivari. 

Tað bleiv samtykt á landsfundi og aðalfundi fyri tveimum mánaðum síðani at broyta viðtøkurnar.

Kári P. Højgaard, fyrrverandi løgtingsmaður og landsstýrismaður, er virkandi formaður í Sjálvstýri.