Fýra tilburðir í gjár

Fýra smittutilburðir vórðu staðfestir í gjár. Tað vísa nýggjastu tølini hjá Landslæknanum.

Øll eru partur av kendari smittuketu. 

1.919 kanningar vórðu gjørdar, og allar kanningarnar eru liðugt greinaðar. Tilsamans eru nú gjørdar 272.615 koronukanningar.

701 fólk hava fingið staðfest smittuna í Føroyum. 669 fólk eru frísk aftur. 

Í løtuni eru 31 fólk smittað.

Fimtihvør liðugt koppsettur

Í gjár vórðu 537 fólk koppsett. 129 fólk fingu fyrra prikið, og 408 fingu seinna prikið.

Góð 10.000 fólk eru nú liðugt koppsett, tað svarar til næstan fimtahvørt fólk.

20.450 fólk hava fingið fyrra prikið, tað svarar til góð 38 prosent av fólkatalinum.