Jarðfeingi ger frágreiðing um heita vatnið

Jarðfeingi er í ferð við at gera eina frágreiðing um, hvussu heita vatnið, sum kemur úr undirgrundini í Kollafirði, kann brúkast.

Helgi Abrahamsen, landsstýrismaður, bað í mai Jarðfeingi gera frágreiðingina.

Tá hon er liðug, verður tosað við Tórshavnar býráð um, hvussu heita vatnið í Kollafirði kann brúkast.  

27 stig

Sjey ár eru nú síðani heita keldan í Kollafirði kom. Vatnið er 27 stig.

Sagt verður, at tað kann hita 150 hús. Men tað rennur á sjógv, okkurt um ein milliard litrar higartil.

Íløgan í at gagnnýta vatnið verður mett at kosta tríggjar mió. krónur, sigur Helgi Abrahamsen.