Nýggj diabetesmiðstøð í 2023

11.06.2021 - 09:50
AktueltHeilsa
Nýggj diabetesmiðstøð í 2023
Heilsumálaráðið og Novo Nordisk Grunnurin hava gjørt samstarvsavtalu um diabetesmiðstøð í Føroyum
Diabetesambulatoriið á Landssjúkrahúsinum verður umskipað til eina diabetesmiðstøð, sum verður nevnd Steno Diabetes Center Føroyar
 

Diabetesambulatoriið á Landssjúkrahúsinum verður umskipað til eina diabetesmiðstøð, sum verður nevnd Steno Diabetes Miðstøð Føroya.

Eftir ætlan verður diabetesmiðstøðin tikin í nýtslu 1. januar 2023. Hon verður partur av medisinska deplinum, sum diabetesambulatoriið longu er.

Tað er greitt, eftir at Heilsumálaráðið og Novo Nordisk Grunnurin eru farin undir samstarv um at skipa diabetesmiðstøð í Føroyum.

Yvirskipaða málið við samstarvinum er at leingja livialdurin og betri lívsgóðskuna hjá fólki við diabetes og øðrum endokrinologiskum sjúkum, sigur Heilsumálaráðið.

Stórt framstig

Kaj Leo Holm Johannesen, landsstýrismaður í heilsumálum, sigur, at diabetesmiðstøðin og samstarvið við Novo Nordisk Grunnin verða eitt stórt framstig.

- Vit hava sum er eina góða og væl skipaða diabetesviðgerð, men við hesum samstarvinum fáa vit nógv betri orku og møguleikar at styrkja og menna viðgerðina enn meira, sigur hann.

Mads Krogsgaard Thomsen, stjóri í Novo Nordisk Grunninum, sigur, at umframt at viðgera og fyribyrgja diabetes, verða møguleikar at stuðla gransking, sum tekur støði í føroyska fólkinum, og sum kann spæla saman við góðu royndunum, sum Føroyar hava við Ílegusavninum og FarGen-verkætlanini.

30 mia. kr.

Síðani 2010 hevur Novo Nordisk Grunnurin latið fleiri enn 30 milliardir kr., fyrst og fremst til gransking á vitanarstovnum og sjúkrahúsum í Danmark og í hinum norðurlondunum, og haraftrat til viðgerð og at fyribyrgja diabetes.

Kaj Leo Holm Johannesen, landsstýrismaður í heilsumálum, sigur, at samstarvið við Novo Nordisk Grunnin verður eitt stórt framstig.

 

Er kopiera
Nýggjastu sendingar í ÚV
Leygardag 19. juni
Morgunlestur leygardagur 19. juni 2021
125341
Fríggjadag 18. juni
Nón 18. juni 2021
125645
Fríggjadag 18. juni
Góðan morgun Føroyar 18.06.2021
125614
Nýggjastu sendingar í SV
Mánadag 14. juni
3-2
125458
Sunnudag 13. juni
Harmonikusangmøti í Vesturkirkjuni.
125390
Sunnudag 13. juni
Andakt við Jóhannesi Miðskarð
125389
Leygardag 12. juni
Video: 5mf dreingir, Fjarðastevna 2021
125373
Leygardag 12. juni
Video: 5mf gentur, Fjarðastevna 2021
125369