Fakfelagssamstarvið fund um støðuna

Fakfelagssamstarvið á almenna arbeiðsmarknaðinum fór á fund í morgun klokkan átta um ætlanina hjá Helga Abrahamsen, landsstýrismanni, at fara í løgtingið við lógaruppskoti um undantøk í Almannaverkinum, nú Pedagogfelagið er í verkfalli.

Hetta er at gera seg inn á verkfalsrættin, halda fakfeløg.

Fakfelagssamstarvið fevnir um Starvsfelagið, Felagið hjá Sjúkrarøktarfrøðingum, Pedagogfelagið, Lærarafelagið, Akademikarafelagið og Havnar arbeiðskvinnufelag.

Fingu 16 undantøk

Almannaverkið bað Pedagogfelagið um 139 undantøk, men fekk 16.

Almannaverkið segði sunnudagin, at so nógv fólk sum gjørligt eru flutt heim til avvarðandi at búgva.

Við teimum tillagingum, sum ber til at gera, roynir Almannaverkið at halda virksemið í 24 tímar.