Sita aftur við samráðingarborðið

Tað er Terji Sigurðsson, semingsmaður, ið hevur kallað partarnar á fund.

Jørgen Niclasen, landsstýrismaður í fíggjarmálum, verður við á fundinum. Hann sigur, at hann í gjár var á fundi fyrst við Kommunala Arbeiðsgevarafelagið og síðani við semingsmannin.

Terji Sigurðsson, semingsmaður, sigur, at tað verður ikki lagt nakað uppskot um semju fyri partarnar á fundinum nú klokkan 10, men at hann hevur kallað inn fyri at fáa partarnar at samskifta.

Ongin at pørtunum vil gera nærri viðmerkingar til fundin í dag, men vit frætta møguliga frá semingsmanninum í útvarpstíðindunum klokkan 18.