Danmark skal spæla móti Kekkia

Holland var stórfavorittur í áttandapartsfinaluni móti Kekkia seinnapartin. Holland hevði vunnið allar sínar bólkadystir, og tað var væntað, at hollendingar fóru at vinna.

Men Kekkia vildi tað øðrvísi, tí kekkar spældu ein sera skilagóðan dyst, og Holland fekk bara spælt seg til ein ordiligan málmøguleika. 

Dysturin vendi, tá Juventus verjuleikarin, Matthijs de Ligt, fekk reytt kort í 55. minutti, tá hann forðaði fyri einum uppløgdum málmøguleika við at brúka hondina. 

Holland royndi at stýra dystinum við 10 monnum, men í 68. minutti legði Kekkia seg á odda, tá Tomas Holes stútaði bóltin í málið eftir eitt innlegg, sum Tomas Kalas fyrst stútaði innfyri aftur. Málverjin hjá Hollandi fór ein ordiliga kaitúr, tá málið kom. 

Kekkar vóru korpsliga væl betur fyri enn hollendingar, og í 80. minutti breyt ein vælleikandi Tomas Holes ígjøgnum hollendsku verjuna og spældi bóltin tvørtur um til Patrik Schick, sum skeyt sítt fjórða mál í EM-endaspælinum. 

Danmark skal sostatt spæla móti Kekkia í fjórðingsfinaluni, sum má sigast at vera ein 50/50 dystur. Men Preben Elkjær væntar, at Danmark vinnur, tí donsku leikararnir eru betri enn teir kekkisku. 

EM-áttandapartsfinalurnar 

Leygardagin 26. juni
1: Wales - Danmark 0-4 
2: Italia - Eysturíki 2-1

Sunnudagin 27. juni
3: Holland - Kekkia 0-2
4: Belgia - Portugal (20:00, Sevilla)

Mánadagin 28. juni
5: Kroatia - Spaina (17:00, Keypmannahavn)
6: Frakland - Sveis (20:00, Bukarest)

Týsdagin 29. juni
7: Ongland - Týskland (17:00, London)
8: Svøríki - Ukraina (20:00, Glasgow)

Vegurin til finaluna: