Dronur fylgdu grindadrápinum

Grindin varð funnin í Árnafirði.

Okkurt um 100 hval doyðu í grindini í Hvannasundi í gjárkvøldið.

Seðlarnir komu út klokkan seks í morgun.

Grindin er býtt í drápspartar og til bygdirnar Eystan Múla.

Norðlýsið skrivaði í gjárkvøldið, at tvær dronur vóru sæddar uppiyvir grindini, meðan drápið var í gongd. 

Fólk hildu at tað mundu vera fólk frá umhvørvisverndarfelagsskapum sum stýrdu dronunum, og tí var skotið eftir tí einu dronuni við byrsu, og eftir øllum at døma rakti skotið, tí dronan sást ikki aftur.