Nýggi løgmansstjórin kunngjørdur í vikuni

Bárður á Steig Nielsen, løgmaður, fekk innstillingina til nýggja løgmansstjóran frá setanarbólkinum fríggjakvøldið, og kunngjørt verður nú í vikuni, hvør verður næsti løgmansstjórin.

Løgmaður vil ikki siga, hvussu nógv eru innstillað, annað enn, at tey eru fleiri enn ein.

Bárður á Steig Nielsen sigur, at hann fer fyrsta dagin at kunngera, hvør er vorðin løgmansstjóri.

10 umsóknir til starvið

Tíggju umsóknir vóru til starvið sum løgmansstjóri, sjey menn og tríggjar kvinnur.

Tann, sum fær starvið, tekur við eftir Marjuna Hanusardóttur, sum gevst í summar.

Hon hevur verið løgmanstjóri, síðani starvið byrjaði 1.august í 1996.