Amfetaminmál førdi til handtøku í hashmáli

12.07.2021 - 09:55
Aktuelt112
Amfetaminmál førdi til handtøku í hashmáli
Ein maður, sum varð frídømdur í einum amfetaminmáli, er nú dømdur tvey ára fongslusrevsing fyri at ætla at smugla 12,7 kg av hashi til Føroya
Ein maður, sum varð frídømdur í einum amfetaminmáli, er nú dømdur tvey ára fongslusrevsing fyri at ætla at smugla 12,7 kg av hashi úr Íslandi til Føroya
Mynd: Savnsmynd  
 

Tey 12,7 kiloini av hashi, sum skuldu úr Íslandi til Føroya, vóru við í einum máli í Íslandi, sum umfataði sløk 24 kilo av hashi og byrjaði um heystið 2018.

Tey 12,7 kiloini, sum skuldu til Føroya, blivu tikin á Seyðisfirði 8.januar 2019.

Ein maður hevur fingið tvey ára fongsulsrevsing í einum nevingatingi í Føroya rætti fyri at ætla at smugla hashið til Føroya.

Íslendska heimasíðan Austurfrétt.is skrivar um málið, tí politiið á Eysturlandinum hjálpti politinum í Føroyum við málinum.

 

Dulnevni førdi til handtøku

Dømdi maðurin hevði eitt dulnevni, sum politiið í Føroyum fekk úr Íslandi, men ikki kendi tá.

Ikki fyrr enn navnið kom upp í einum øðrum rúsevnsimáli. Tað var um amfetamin, sum varð smuglað úr Danmark.

Maðurin varð tó frídømdur fyri at hava verið við í tí málinum.

Men nú kendi politiið dulnevni hansara. Og hann varð tikin, ákærdur og dømdur fyri at ætla at smugla hash úr Íslandi.

Tveir íslendskir løgreglumenn vitnaðu í nevningatinginum í Føroya rætti í november í fjør.  


 

Er kopiera
Nýggjastu sendingar í ÚV
Mánadag 23. mai
Avljóð og umljóð
139522
Mánadag 23. mai
Góðan morgun Føroyar 23.05.2022
139993
Mánadag 23. mai
Morgunlestur mánadagur 23.mai 2022
139978
Sunnudag 22. mai
Guðstænasta í Elduvíkar kirkju
139964
Nýggjastu sendingar í SV
Sunnudag 22. mai
Andaktin
139968
Sunnudag 22. mai
Guðstænasta í Elduvíkar kirkju
139969
Hósdag 19. mai
Sært tú meg 2:3
139885
Mánadag 16. mai
3-2
139731
Sunnudag 15. mai
Andakt við Andriasi Magnussen
139652