Føroyskar prædikur sleppa at vera føroyskar

Føroyskar prædikur sleppa at vera føroyskar
Lógaruppskotið hjá donsku stjórnini um, at allar prædikur, ið eru á øðrum málum enn donskum, skulu umsetast til danskt, er nú útsett í óásetta tíð
 
12.07.2021 - 14:02

Eitt uppskot hjá danska kirkjumálaráðharranum, sum hevði havt við sær, at føroyskar meinigheitir í Danmark skulu umseta føroyskar prædikur til danskt, er nú útsett í óasetta tíð. 

Tað skrivar Jyllands Posten.

Joy Mogensen, kirkjumálaráðharri, hevur í fleiri førum útsett málið, tí tað hevur verið ivasamt við undirtøkuni í fólkatinginum, men hesuferð er tað útsett í óásetta tíð.

Endamálið við lógaruppskotinum er at forða fyri islamskari radikalisering, men danska stjórnin hevur verið fyri nógvum atfinningum, eisini uttanfyri Danmark, fyri uppskotið, tí hildið verður, at uppskotið rakar skeivt.

Joy Mogensen vil ikki gera samrøðu um málið, men hon sigur við Jyllands Posten, at korona er orsøkin til, at málið verður útsett.

Hon leggur aftrat, at stjórnin tó ikki hevur slept ætlanini, um at prædikur á øðrum málum enn donskum skulu týðast til danskt, hóast málið nú er tikið av listanum av málum, sum verða løgd fyri Fólkatingið í næstum.

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520