Havnin í Oyrareingjum letur uppaftur

Nú er aftur loyvt at umskipa fisk og annað í havnini á Oyrareingjum.

Hálvan mai varð havnin stongd fyri allari umskiping fyri at sleppa undan gangi og øðrum ampa frá skipum.

Gera ljóðmátingar

Nú farið er undir at gera eina standardreglugerð fyri kommunalar havnir, er havnin á Oyrareingjum opin aftur.

Fram til 1. november skulu ljóðmátingar gerast á havnarløgunum í Tórshavnar kommunu.

Fyri at finna eitt markvirði fyri ljóðdálking er neyðugt, at vanligt virksemi er á havnarløgunum, sigur Tórshavnar kommuna.

Markvirði setast

Í royndartíðini til 1. november verða ljóðmátingar gjørdar við skipini, sum liggja við bryggju, í nærumhvørvinum og í heimum fyri at staðfesta, hvussu nógvan gang, skipini halda.

Síðani verða markvirðini sett.

Kommunan sigur, at skip, sum ikki halda markvirðini, fáa boð um at fáa viðurskiftini í rættlag. 

Ber ikki til at halda markvirðini, skulu havnirnar nokta skipunum atgongd.