Politiið kann nú útflýggja barnaváttanir

Nú ber til at lata barnaváttanir í Føroyum.

Nýggja danska persónsupplýsingarlógin er sett í gildi fyri ríkismyndugleikarnar í Føroyum.

Tí hevur politiið nú heimild at útflýggja barnaváttanir.

Og landsstýrið er í ferð við at gera eina lóg um barnaváttanir.

Børn og ítróttur

Sambært henni verður barnaváttan kravd frá fólki, áðrenn tey sleppa at arbeiða við børnum og ungum.

Eisini í ítróttinum verður skipanin við barnaváttanum galdandi.

Ein barnaváttan er ein víðkað revsiváttan, har upplýst verður, um fólk eru dømd fyri at hava gjørt seg kynsliga inn á børn.