Spreinging nærindis floghavnini í Kabul

Samstundis sum roynt verður at flyta fólk burtur úr Afganistan, hevur ein spreinging verið nærindis floghavnini í høvuðsstaðnum, Kabul.

Tað upplýsir talsmaðurin fyri amerikanska verjumálaráðið, John Kirby, seinnapartin.

Ógreitt er, um nakar er deyður av spreingingini, ella hevur fingið skaða. Heldur ikki er greitt, hvussu stóran skaða spreingingin hevur gjørt.

John Kirby skrivar á Twitter, at nærri upplýsingar um spreingingina koma seinni.

We can confirm an explosion outside Kabul airport. Casualties are unclear at this time. We will provide additional details when we can.

— John Kirby (@PentagonPresSec) August 26, 2021

Ráðharrin fyri vápnaðu deildirnar í Bretlandi, James Heappey, segði fyrr í dag, at álítandi fregnartænastuupplýsingar vóru um, at ætlanin var at leypa á fólk, sum eru stødd nærindis floghavnini. 

Eisini CNN hevur tíðindi um álopið í Kabul.

The explosion outside Kabul's airport was at one of the entry gates and appears to be a suicide attack, three US officials say. Follow live updates: https://t.co/tQWzT2BcWR pic.twitter.com/m4ovo0ei1n

— CNN Breaking News (@cnnbrk) August 26, 2021