Spreingingin í Kabul hevur kravt mannalív

Spreingingin uttan fyri floghavnina í afganska høvuðsstaðnum Kabul seinnapartin hevur kravt mannalív, og fólk eru eisini særd, upplýsir talsmaðurin hjá amerikanska verjumálaráðnum, Pentagon, John Kirby, á Twitter, men hvussu nógv eru deyð ella særd, er ikki greitt.

We can confirm that the explosion at the Abbey Gate was the result of a complex attack that resulted in a number of US & civilian casualties. We can also confirm at least one other explosion at or near the Baron Hotel, a short distance from Abbey Gate. We will continue to update.

— John Kirby (@PentagonPresSec) August 26, 2021

BBC veit at siga, at eftir fyrstu spreingingina vóru skot at hoyra, og so var aftur ein spreinging. 

Báðar spreingingarnar vóru nærindis Abby Gate við floghavnina í Kabul, har nógv fólk eru.

Sjálvmorðsbumba

Amerikanskar keldur siga fyri Reuters-tíðindastovuni og sjónvarpsstøðini CNN, at ein sjálvmorðsbumba elvdi til spreingingina. Hesar upplýsingar eru ikki váttaðar. Men ein ónevndur amerikanskur embætismaður sigur fyri Reuters, at talan er um ein sjálvmorðsbumbu.

Spreingingin var samstundis, sum roynt verður at flyta fólk burtur úr Afganistan.