Landsrætturin herdi revsingina

Eystari landsrættur hevur hert dómin í einum valdstøkumáli.

Ein 27 ára gamal maður er í Landsrættinum dømdur átta mánaðar treytaleysa fongsul fyri at hava neyðtikið ein kvinnu um sama aldur.

Landsrætturin herdi revsingina í Føroya rætti við tveimum mánaðum.

Løgreglan sigur, at maðurin gjørdi sær dælt av, at kvinnan, sum var fyrrverandi unnusta sín, svav og neyðtók hana.

Fútin nøgdur

Landsrætturin hevði høvið at taka støðu til, um herðingin fyri kynsmisbrot, sum kom í gildi í Danmark í 2016, eisini kann brúkast í Føroyum.

Men tá dómurin varð kunngjørdur, staðfesti Landsrætturin, at við ongari politiskari støðutakan, eins og í Danmark, kundi Landsrætturin ikki herða revsingina í kynsbrotsmálum sum í Danmark.

Michael Boolsen, fúti sigur, at hann er nøgdur við dómin. Longdin á revsingini er greitt tekin um, at samfelagið góðtekur ikki slíkan atburð.

- Vónandi fær dómurin fólk at hugsa um sín atburð, tí slík mál eru ikki eindømi, sigur Michael Boolsen, við heimasíðuna hjá løgregluni.