- Tíðindi, mentan og ítróttur
Toskurin og hýsan fingið MSC-góðkenning
Toskurin og hýsan fingið MSC-góðkenning
Avgerandi er, at landsstýrismaðurin í fiskivinnumálum hevur sett í verk eina umsitingarætlan um fiskidagar
At toskur og hýsa eru MSC-góðkend, kann hava við sær, at nýggir marknaðir fara at rinda hægri prís.
02.09.2021 - 08:35
Føroyski fiskiskapurin eftir toski og hýsu hevur fingið MSC góðkenning, tí hann er nú mettur at vera burðardyggur.
Avgerandi er, at landsstýrismaðurin í fiskivinnumálum hevur sett í verk eina umsitingarætlan um fiskidagar, sigur Durita í Grótinum, stjóri í FISF, Faroe Islands Sustainable Fisheries, í tíðindaskrivi.
Frammanundan hava longa og brosma MSC góðkenning.
Nýggir marknaðir og keyparar
Nú fiskiskapurin eftir toski og hýsu hevur fingið MSC góðkenning, fáa føroyskir fiskaseljarar atgongd til nýggjar marknaðir og keyparar, sum kunnu væntast at rinda ein hægri prís fyri vøruna enn á verandi marknaðum, stendur í tíðindaskrivinum.
Toskur og hýsa, sum eru fiskað eftir 9.juni í ár, eru MSC-góðkend.
Durita í Grótinum er stjóri í FISF, Faroe Islands Sustainable Fisheries.
Er kopiera
Nýggjastu sendingar í ÚV
Nýggjastu sendingar í SV
