Handa krøvini 22. september

Starvsfelagið øðrumegin og Fíggjarmálaráðið og Kommunala arbeiðsgevarafelagið fara at handa hvør øðrum sáttmálakrøvini 22. september.

Tað varð avtalað á fyrsta fundinum millum partarnar í dag.

Hetta var ein innleiðandi fundur, har ætlan varð løgd fyri samráðingarfundirnar næstu vikurnar. 

Fundur verður aftur mikudagin 22 september, og tá verða sáttmálakrøvini eisini handað.

Sáttmálin uppsagdur til 1. oktober

Hesaferð hevur Starvsfelagið samráðingar við Fíggjarmálaráðið og Kommunala Arbeiðsgevarafelagið samstundis, tí arbeiðsgevararnir hava gjørt eina rammuavtalu um felags samráðingar.

Starvsfelagið hevur sagt sáttmálan upp at fara úr gildi 1. oktober.

Á myndini frá vinstru: Súni Selfoss og Anna Johannesen, umboðandi Starvsfelagið, Jan Mortensen, umboðandi Fíggjarmálaráðið og Anita Fuglø, umboðandi Kommunala Arbeiðsgevarafelagið.