Jacob á vitjan í Russlandi

Jacob Vestergaard, landsstýrismaður í fiskivinnumálum, er í hesum døgum í Russlandi.

Hann er boðin við til ráðstevnuna Global Fishery Forum and Seafood Expo, sum er í St. Pætursborg.

Russiski fiskimálaráðharrin, Ilya Shestakov, er eisini á ráðstevnuni. Seinnapartin skal Jacob Vestergaard fundast við Ilya Shestakov.

Landsstýrismaðurin sigur við útvarpið, at talan er ikki um fiskiveiðisamráðingar, men at á fundinum verður tó tosað um áhugamálinum hjá føroyingunum í russiskum sjógvi, eins og russisk áhugamál í føroyskum sjógvi. 

Landsstýrismaðurin kemur aftur til Føroya leygardagin.