Posta skal halda reglurnar

Posteftirlitið skal syrgja fyri, at Posta kappast á jøvnum føti við aðrar flutningsfyritøkur.

Er illgruni um, at stovnurin ikki ger tað, so kann kærast til Kappingareftirlitið.

Tað segði Jørgen Niclasen í svari til Ruth Vang, sum setti honum ein fyrispurning í gjár um atfinningarnar hjá fleiri privatum fyritøkum móti Posta.

Tað var í summar at 16 feløg gjørdu vart við, at tey hildu Posta í alsamt vaksandi mun kastar seg út í kapping við privatar fyritøkur. 

Jørgen Niclasen segði, at Posta skal halda reglurnar og upplýsti, at Posta ikki hevur fingið almennar pengar, síðani stovnurin varð skipaður sum partafelag í 2005.

Hoyr svarið hjá landsstýrismanninum við at trýsta á pílin undir myndini.