Gevst sum stjóri á Havstovuni

Eilif Gaard hevur sagt upp sum stjóri á Havstovuni.

Eilif Gaard sigur við Dimmalætting, at hann í eina tíð hevur hugsað um at gevast sum stjóri, men at hann vildi ikki fara, fyrr enn verkætlanin við Jákup Sverra var liðug.

Hann sigur eisini, at arbeiðið hjá Havstovuni er broytt nokk so nógv í samband við umsitingarætlanina og broytingina í áseting av fiskidøgum, og hann heldur at hetta er rætta løtan at gevast.

Hann leggur dent á, tað er eingin dramatikkur yvirhøvur í sambandi uppsøgnina.

Eilif Gaard hevur verið stjóri á Havstovuni síðani 2010. Hann er 64 ára gamal.