Forsætisráðharrin undir illgruna fyri dráp

15.09.2021 - 11:18
AktueltÚtheimurin
Forsætisráðharrin undir illgruna fyri dráp
Stjórnarleiðarin í Haiti hevur fingið forboð fyri at fara av landinum fyribils
Ariel Henry, forsætisráðharri í Haiti, er undir illgruna fyri at hava verið uppií, tá forsetin varð myrdur, og hann hevur fingið forboð fyri at fara av landinum.
Mynd: AFP.  
 

Ríkisadvokaturin í Haiti hevur ákært Ariel Henry, forsætisráðharra, fyri at hava samband við drápið á forsetan, Jovenel Moise, 7. juli í ár. 

Tað skrivar tíðindastovan AFP.

Tíðindini eru vorðin almenn, nú fimm dagar eftir at ríkisadvokaturin, Bed-Ford Claude, fríggjadagin hitti forsætisráðharran fyri at finna fram til, hví hann tosaði við ein av teimum, sum er undir illgruna í drápsmálinum, sama kvøld, sum forsetin doyði.  

Lupu á húsini

Jovenel Moïse varð skotin í einum álopi á húsini, har hann búði. Eitt samdøgur seinni vóru fýra fólk skotin, og tvey fólk eru handtikin í málinum. 

Størsta blaðið í Haiti, Le Nouvelliste, skrivar, at illgrunin er settur í samband við hesa telefonsamrøðuna.

Blaðið skrivar eisini, at ríkisadvokaturin krevur, at tað ikki verður loyvt Henry at fara úr landinum, tí tað, sum er komið fram í málinum, er álvarsamt. 


 

Er kopiera
Nýggjastu sendingar í ÚV
Leygardag 25. september
Jambalaja 250921
129087
Leygardag 25. september
Nón 24. september 2021
129077
Leygardag 25. september
Morgunlestur leygardagur 25.september 2021
129063
Fríggjadag 24. september
Góðan morgun Føroyar 24.09.2021
129002
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699