Magdalena Andersson verður helst nýggj forkvinna

Leiðslan í svenska javnaðarflokkinum mælir til, at Magdalena Andersson tekur við sum forkvinna í flokkinum eftir Stefan Løfven.

Løfven boðaði í august frá, at hann fór at leggja frá sær sum formaður, og eisini sum forsætisráðharri í Svøríki í hesum árinum.

Tað verður eftir øllum at døma á landsfundinum hjá javnaðarflokkinum, sum verður í november.

Drúgvar royndir

Magdalena Andersson hevur verið fíggjarmálaráðharri í svensku stjórnini í sjey ár, og hevur sostatt drúgvar politiskar royndir, skrivar SVT.

Stefan Løfven leggur frá sær á landsfundinum í november, og hann hevur mælt til, at nýggja forkvinnan í javnaðarflokkinum eisini verður forsætisráðharri.

Men tað verður ríkisdagurin sum ger av, hvør skal vera forsætisráðharri.