Journalistar fáa friðarheiðursløn Nobels

Journalistar fáa friðarheiðursløn Nobels
Maria Ressa og Dmitri Muratov hava avdúkað valdsmisnýtslu í hvør sínum landi
Berit Reiss-Andersen, forkvinna í Nobel-nevndini, við mynd av teimum báðum journalistunum, sum fáa friðarheiðursløn Nobels í ár
Mynd: RitzauScanpix  
 
08.10.2021 - 14:03

Tveir journalistar, Maria Ressa og Dmitri Muratov, fáa í friðarheiðursløn Nobels í ár.

Tað kunngjørdi Nobel-nevndin á tíðindafundi fyrrapartin.

Maria Ressa hevur avdúkað valdsmisnýtslu og verjir óttaleys talurfrælsið, sigur Nobel-nevndin m.a. í grundgevingini.

Ressa hevur tíðindasíðuna, Rappler.com, og hevur m.a. kritiskt viðgjørt stýrið hjá forsetanum í Filipsoyggjum, Rodrigo Duterte, og brot á mannarættindi og valdsmisnýtslu.

Stóran týdning

Fyri Mariu Ressa hevur heiðurslønin stóran týdning.

- Hetta merkir, at vit kunnu halda fram við tí, sum vit gera. Hetta gevur orku. Trupulleikin við tí, sum vit gera ,er, at so nógv hendir í myrkri. Nú kunnu vit halda fram at gera journalistikk og kanningar, sum draga tey, sum hava vald, til svars. Sosialir miðlar hava latið einaræðisharrar tikið valdið og latið teir brotið demokratiið niður innanífrá, sigur Ressa við norska TV2.

Dmitri Muratov er russiskur journalistur, stovnari og ábyrgdarredaktørur á blaðnum Novaja Gazeta. 

Hann hevur eisini kritiskt viðgjørt brot á mannarættindi og valdsmisnýtslu. 

Kendi journalisturin, Anna Politkovskaja, arbeiddi í Novaya Gazet, tá hon í 2006 varð myrd.

Mest óhefta blað

Nobel-nevndin vísír á viðurskiftini, sum eru broytt. 

- Hetta er mest óhefta blaðið í Russlandi í dag, sigur forkvinnan í Nobel-nevndini, Berit Reiss-Andersen. 

Blaðið hevur fleiri kritiskar reportasjur um mutur, ólógligar handtøkur, svik og ólógligar verksmiðjur. 

Mótstøðufólk eru pínd, hótt við harðskapi og eftir lívinum. Seks av journalistunum eru dripnir. Men kortini hevur Muratov áhaldandi vart rættin hjá journalistum at skriva tað, teir vilja, vísir Nobel-nevndin á.

- Friðarheiðurslønin leggur dent á týdningin at verja hesu grundleggjandi rættindi, sigur nevndin í grundgevingini.

Maria Ressa, sum rekur tíðindasíðuna, Rappler.com. (Mynd: Ritzau Scanpix)


Dmitri Muratov er russiskur journalistur, stovnari og ábyrgdarredaktørur á blaðnum Novaja Gazeta. (Mynd: RitzauScanpix)
Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470