USA: Skuldarloftið verður 28.800 mia. dollarar

Ein meiuriluti í amerikanska umboðsmannatinginum hevur samtykt at hækka skuldarloftið.

Sostatt kann amerikanska samfelagið taka meiri lán og halda sínar skyldur, til fyrst í desember.

Tað er annað kamarið í kongressini, sum hevur samtykt at hækka skuldarloftið úr 28.400 milliardum dollarum, upp í 28.880 milliardir dollarar.

Tað skrivar Reuters.

Í umboðsmannatinginum, sum er annað kamarið í kongressini, var uppskotið samtykt við 219 atkvøðum fyri og 206 ímóti.

Uppskotið er frammanundan samtykt í hinum kamarinum í kongressini, senatinum. 

Nú verður bíðað eftir, at Joe Biden, forseti, skrivar undir lógina, so hon fær gildi. Hann hevur fyrr sagt seg fegnast um, at lánið verður tikið.